प्रधानमन्त्री देखि वडा अध्यक्ष सम्मको सम्पती छानबिन हुनुपर्छ ,नगरप्रमुख बोहरा

टेक बहादुर थापा ,अछामको मंगलसैन नगरपालिकाका नगर प्रमुख पदम बहादुर बोहोराले नयाँ नेपाल बनाउनका लागी प्रधानमन्त्री देखि वडा अध्यक्ष सम्मको सम्पती छानबिन गर्नु पर्ने बताउनु भएको छ । सामाजिक सञ्जाल फेसबुकमा आफ्नो धारणा राख्दै प्रमुख बोहोराले छानबिनको क्रममा स्रोत नखुलेको सम्पती राज्यले जफत गरि राज्य कोषमा जम्मा गर्नु पर्ने र सो रकम राष्ट्र निर्माणमा लगाउनु पर्ने बताउनु भएको हो ।दुई कार्यकाल नगर प्रमुख बनेका बोहोराले सो सम्पती छानबिनका लागी सबै भन्दा पहिले आफै बाट सुरु गर्न समेत आग्रह गरेका छन ।

उनले आफ्नो बुवा बाजे, र छोराछोरी सबैको सम्पती माथि पहिले छानबिन होस म मेरै घर बाटै युवाहरू लाई सम्पती छानबिनका लागी अनुरोध गर्दछु उहाले भन्नुभएको छ । पुराना नेताहरूको सम्पती समेत छानविन गरिनु पर्ने उनीहरू गलत भए कारबाही र सही भए मात्र जिम्मेवारी दिनु पर्ने नगर प्रमुख बोहराको माग छ । सम्बृद्ध नेपाल सुखी नेपाली सहितको नयाँ नेपाल बनाउन सबैको सम्पतीमा छानबिन गर्न आवश्यक रहेको उहाले बताउनुभयो ।

आफु यसका लागि अहिले पनि तयार रहेको बताउदै नगर प्रमुख बोहराले सबै जनप्रतिनिधिलाई एकै डालोमा हाल्न नमिल्ने बताउनुभयो । आफुले सरकारले दिएको सुविधा बाहेक एक पैसापनि गलत बाटो अपनाएर नलगेको दाबी गर्दै नगर प्रमुख बोहराले कही कतै त्यसो भेटाएको खण्डमा राजनिति त्याग्न तयार रहेको उहाको भनाई छ । राज्यको सम्पती बाट बिलासिलताको जीबन कसले विताईरहेको छ त्यसको छानबिन हुनैपर्ने उहाको माग छ ।