सेवाको दायरा घटाउदै बयालपाटा अस्पताल

सम्पूर्ण सेवा नि शुल्क रुपमा दिदै आएको अछामको बयालपाटा अस्पतालले सेवाको दायरा घटाउदै गएको छ ।आर्थिक संकटका कारण अस्पतालमा आवश्यक जनशक्ति र औषधी अभावका कारण सेवा प्रभावित हुन थालेपछि सेवाको दायरा घटाउदै गएको छ।

अस्पतालले बिहीबार सामाजिक सञ्जाल फेसबुक पेज मार्फत सूचना जारी गर्दै आवश्यक जनशक्ति र औषधी अभावका कारण यहि बैशाख २८ गतेदेखि सेवाको दायरा घटाउने जानकारी गराएको छ । बयालपाटा अस्पताले बैशाख २८ गतेदेखि प्रतिदिन २०० जना विरामीलाई मात्र उपचार गर्न सकिने उल्लेख गरेको छ ।

कुनै बेलाको स्वास्थ्यकर्मीहरुको रोजाइ रहने अस्पताल पछिल्लो समय आर्थिक संकट हुँदै गएपछि कर्मचारीले जागिर छोड्ने गरेका र नयाँ भर्ना गर्न सकिने अवस्था नरहेको न्याय हेल्थले जनाएको छ।दाताहरूले बिस्तारै हात झिक्ने सरकार सहयोग नगरेपछि अस्पतालको अवस्थ दिन प्रतिदिन दयनीय हुदै गएको छ।