नवीन चिरागकाे एक नयाँ गजल 

नवीन चिराग

कुन फूल लिएर तिम्रो वन्दना गरु भन

यादमै यी नेत्रहरु टिलपिल भएर आए

भन्देउ हियरा कस्तो सम्झना गरु भन

जाँ जान्छौ जाउ तिमी औंला छोएर जाउ

यो भन्दा बढी के के चाहना गरु भन

बोल्ने जिह्वा नै छैन देख्ने नयन छैनन्

कुन भावको लहरले याचना गरु भन

प्यासी छु भन्छौ तिमी डढेलो भित्र म छु

कुन बलले प्यास मेट्ने कामना गरु भन

कल्पिदै जीवन गयो कल्पिदै तिमी गयौ

अब म कस्ता कस्ता कल्पना गरु भन