मङ्गलसेन ६ को मुहार फेर्न काँग्रेसको जित आवश्यक छ:अध्यक्षका उम्मेदवार भण्डारी

निराजन भण्डारी अछाम। स्थानीय तहको निर्वाचनका लागि नेपाली काँग्रेसको तर्फबाट मङ्गलसेन नगरपालिका वडा नम्बर ६ का वडा अध्यक्ष पदका उम्मेदवार हेमराज भण्डारीले वडामा विकास निर्माण, सुशासन र समाज परिवर्तनका लागि आफू कटिबद्ध भएर लाग्ने बताउनु भएको छ ।
हाम्रो निगरानी डटकमसँग कुराकानी गर्दै भण्डारीले कुनै जात, धर्म, भेग र पैसाका भरमा चुनाव जितेर व्यक्तिगत स्वार्थमा लाग्नेहरू सँग सचेत रहन मतदातालाई अनुरोध समेत गर्नुभयो । वडामा अधुरा रहेका काम पूरा गर्न नेपाली काँग्रेसको जित आवश्यक रहेको र पार्टी कार्यकर्ता एकताबद्ध भएर लाग्न उहाँले निर्देशन समेत दिनु भएको छ ।

वडाको समग्रह विकासका लागि नयाँ भिजन सहित आफू उम्मेदवारमा खडा भइसकेकाले अव त्यो भिजन कार्यान्वयन गर्ने अधिकार जनताले प्रदान गर्नु पर्ने वडा अध्यक्ष पदका उम्मेदवार भण्डारीले बताउनु भयो ।

साथै आफूले वडामा विशेष गरी शिक्षा,स्वास्थ्य,कृषि,सड्क,खानेपानी,स्वरोजगार सिर्जना हुने कामलाई विशेष प्राथामितामा राखेको र युवा तथा ज्येष्ठ नागरिकको पक्षमा काम गर्ने उल्लेख गर्नुभयो ।
५ वर्षको विकासले केही जनता सन्तुष्ट भैईसकेको र असन्तुष्ट भएका जनतालाई सन्तुष्ट पार्न सक्दो प्रयास गर्ने प्रतिबद्धता समेत जनाउनु भएको छ ।
वडाको मुहार फेर्नका लागि आफ्नो उम्मेदवारी रहेकाले अमूल्य मतदान गरी वडामा नेपाली काँग्रेसको प्यानललाई विजयी गराउन मतदातालाई भण्डारीले अपिल समेत गर्नु भएको छ ।