काठमाडौं – प्रमुख प्रतिपक्षी दल नेकपा एमालेका नेता तथा पूर्व मन्त्री महेश बस्नेतले नेतृत्व चयनको विषय सहमति जुटिसकेको दाबी गरेका छन् ।
पार्टी अध्यक्ष केपी शर्मा ओलीलाई भेटेर बाहिर निस्किँदै गर्दा सञ्चारकर्मीसँग कुरा गर्दै नेता बस्नेतले सहमति जुटेको दाबी गरे ।
बस्नेतले भने, ‘सहमति टुंगिसकेको छ । सहमतिमा सबै विषय टुंगिएर र्यापिङ गर्न बाँकी रहेको छ ।’
बस्नेतले के के विषयमा सहमति भयो र के के विषय बाँकी छन् भन्नेबारे विस्तृतमा जानकारी दिएनन् ।
ओलीले सहमतिमै नेतृत्व टुंग्याउन शीर्ष तहमा छलफल गरिरहेका छन् तर भीम रावल भने अध्यक्ष पदमा चुनाव लड्न तम्सिएका छन् ।
Discussion about this post