युवा नेता देवकोटाद्वारा कांग्रेस महाधिवेशन प्रतिनिधि पदका लागि उम्मेदवारी घोषणा

निराजन भण्डारी मंसिर ६अछाम

नेपाली कांग्रेसको १४ औँ महाधिवेशन जारी रहदा विभिन्न पदको लागि उम्मेदवारी घोषणा गर्ने कार्य पनि निरन्तर चलिरहेको छ । नेपाली कांग्रेसको १४औँ महाधिवेशनका लागि अछाम क्षेत्र नम्बर १ का युवा नेता चन्द्रप्रकाश देवकोटाले खस आर्य तर्फबाट केन्द्रीय महाधिवेशन प्रतिनिधि पदको लागि उम्मेदवारी घोषणा गर्नुभएको छ ।

दैनिकी मिडिया नेटवर्क सँग कुराकानी गर्दै उहाँले आफूले पार्टी संगठनलाई बलियो र मजबुत बनाउन लामो समयदेखि निरन्तर लागि परेको बताउनुभएको छ ।पार्टीलाई व्यक्तिवादी नभई विधिसम्मत ढंगबाट संचालन गर्नुपर्ने कुरामा उहाँले जोड दिनु भएको छ । आफूले युवाहरुको साथमा रहेर काम गरिरहेको र महाधिवेशन प्रतिनिधि पदमा जितेको अवस्थामा अझै युवाहरुको साथमा रहेर काम गर्ने पनि बताउनुभयो । साथै उहाँले युवा वर्गको आवाज उठाउनको लागि भए पनि आफूले उम्मेदवारी घोषणा गरेको बताउनुभएको छ ।

साथै उहाँले नेपाली काँग्रेसलाई सुधार र वृहत् संगठनको हितका लागि आफु जहिले पनि लागि परेको बताउनु भएको छ । आफूले १४औँ महाधिवेशनको केन्द्रीय प्रतिनिधि जितेमा युवाहरूकै साथमा रहेर काम गर्ने बाचा समेत गर्नुभएको छ । सबै अट्ने, देश सबैलाई जोड्ने कांग्रेस बनाउन आफू जहिले पनि निरन्तर खटिरहने बताउनुभयो । आफूले केन्द्रीय महाधिवेशन प्रतिनिधि पदको लागि उम्मेदवारी घोषणा गरिसकेको हुँदा सबैले आआफ्नो स्थानबाट अमूल्य साथ, सहयोग गरिदिन हुन आग्रह समेत गर्नुभएको छ ।