अछाममा थप २० वटा छाउगोठ भत्काइयो

अछाम । अछाम जिल्लामा दोस्रो चरणको छाउगोठ भत्काउने अभियान अन्तरगत पौष १४ गते २० वटा असुरक्षित छाउगोठहरु भत्काइएका छन ।

जिल्ला प्रहरी कार्यालय अछामको आधिकारीक सामाजीक सञ्जाल फेसबुकद्धारा जानकारी गराइए अनुसार मँगलबार २० वटा गोठहरु भत्काईएको हो ।

जिल्लाको पञ्चदेवल बिनायक नगरपालिका,ढकारी गाउँपालिका र बान्नीगढी जयगढ गाउँपालिकामा गरी २० वटा गोठहरु भत्काईएको जिल्ला प्रहरी कार्यालय अछामले जनाएको छ ।

जस अन्तरगत जिल्लाको पञ्चदेवल बिनायक नगरपालिका वडा नः ८ मा ६ वटा असुरक्षित छाउगोठ भत्काइएको छ भने वडा नः ३ र ४ मा गरी ७ वटा गोठ भत्काइएको जिल्ला इलाका प्रहरी कार्यालय बिनायकले जनाएको छ ।

यस्तै जिल्लाको ढकारी गाउँपालिका वडा नः ३ मा १ गोठ भत्काएको ढकारी प्रहरीले जनाएको छ ।

यसैबिच अछामको बान्नीगढी जयगढ गाउँपालिका वडा नः ३ बर्दादेबिमा ६ वटा छाउगोठहरु नष्ट गरीएको जयगढ प्रहरीले जनाएको छ ।