देशभर २४ घण्टामा थपिए यति संक्रमित, कतिले जिते कोरोना ?

काठमाडौँ– नेपालमा थप ३ कोरोना संक्रमितको मृत्यु भएको छ । स्वास्थ्य तथा जनसंख्या मन्त्रालयका अनुसार आज ८४० जनाले कोरोनालाई जितेर स्वास्थ्य लाभ गरेका छन् ।

त्यस्तै थप ५०० जना नयाँ संक्रमित थपिएका छन् । मन्त्रालयको पछिल्लो तथ्यांक अनुसार नेपालमा संक्रमित संख्या २ लाख ५७ हजार ७०० पुगेको छ ।

अहिलेसम्म संक्रमित १ हजार ८१९ ले ज्यान गुमाएका छन् । २ लाख ४९ हजार १३२ कोरोना मुक्त भएका छन् । अहिले सक्रिय संक्रमितको संख्या ६ हजार ७५९ छ । संक्रिय संक्रमितको संस्थागत तथा होम आइसोलेसनमा उपचार भइरहेको छ । ३६९ जना देशभरका क्वारेन्टिनमा रहेको मन्त्रालयले जनाएको छ ।

नेपालमा अहिलेसम्म १९ लाख ५ हजार ८२६ को पीसीआर परीक्षण गरिएको छ ।