अछाममा भरुवा बन्दुक सहित एक जना पक्राउ

अछाम – अछाम प्रहरीले भरुवा बन्दुक सहित १ जनालाई पक्राउ गरेको छ ।

जिल्लाको कमलबजार नगरपालिका वडा नम्बर १ मुलीका ४१ वर्षीय बल बहादुर कसेरा भरुवा बन्दुकसहित पक्राउ परेका हुन् ।

कसेराले विना ईजाजत पत्र घरमा हातहतीयार राखेको गोप्य सुचनाको आधारमा उनको घर खानतलासी गर्दा कोठामा लुकाईछिपाई राखेको अवस्थामा भरुवा बन्दुक २ नाल बरामद भएको जिल्ला प्रहरी कार्यालय अछामले जनाएको छ ।

शुक्रवार हतीयार सहित पक्राउ परेका कसेरामाथी अनुसन्धान भईरहेको प्रहरीको भनाई छ । उनीसँग हतीयार कहाँबाट आयो भन्ने विषयमा थप अनुसन्धानका लागि आज जिल्ला अदालत अछामबाट म्याद थप गरीएको छ ।