देशभर २४ घण्टामा थपिए यति संक्रमित, कतिले जिते कोरोना ?

काठमाडौं । नेपालमा पछिल्लो २४ घण्टामा एक हजार ५६ जनामा कोरोना भाइरस संक्रमण भएको छ ।

६ हजार दुई सय ८६ जनामा गरिएको पीसीआर परीक्षणमा बुधबार एक हजार ५६ जनाको रिपोर्ट पोजेटिभ आएको हो ।

स्वास्थ्य तथा जनसंख्या मन्त्रालयका अनुसार नेपालमा कोरोना भाइरस संक्रमण हुनेको संख्या दुई लाख ४४ हजार चार सय ३३ पुगेको छ ।

पछिल्लो २४ घण्टामा नेपालमा एक हजार चार सय ८३ जना कोरोनाका बिरामी निको भएका छन् ।

योसँगै नेपालमा कोरोना संक्रमण निको हुनेको संख्या दुई लाख ३० हजार पाँच सय ३७ पुगेको मन्त्रालयकाले जनाएको छ ।

सोमबार थप १४ जना कोरोना संक्रमितको मृत्यु भएको छ।

योसँगै नेपालमा कोरोना संक्रमणबाट ज्यान गुमाउनेको संख्या एक हजार ६ सय ५१ पुगेको मन्त्रालयले जनाएको छ ।

आज देशभर १२ हजार दुई सय ४५ जना सक्रिय संक्रमित छन्।