नेपालमा थप ६ जना कोरोना संक्रमितको मृत्यु

काठमाडौं – नेपालमा पछिल्लो २४ घण्टामा थप ६ जना कोरोना भाइरस संक्रमितको मृत्यु भएको छ।

यो सँगै नेपालमा कोरोना संक्रमित मृतकको संख्या १ हजार २ सय २१ पुगेको स्वास्थ्य तथा जनसंख्या मन्त्रालयले जनाएको छ।

यसअघि शनिबार १३ जना संक्रमितको मृत्यु भएको थियो।

गत २४ घण्टामा १ हजार ४ सय ७७ भेटिएसँगै संक्रमितको संख्या २ लाख ९ हजार ७ सय ७६ पुगेको छ। कुल संक्रमितमध्ये ३५ हजार १ सय २५ जना सक्रिय संक्रमित छन्।