भारतमा दुर्घटनामा अछामका २ जनाको परि मृत्यु

फागुन,३० अछाम

अछामका २ जनाको भारतमा सडक दुर्घटनामा परि मृत्यु भएको छ । भारतको छत्तीसगढ राज्यको रायपुरमा सडक दुर्घटनामा परि अछामको बान्नीगढी जयगढ गाउँपालीका वडा नम्बर ५ कालिका र वडा नम्बर २ जनालीकोट घर भएका २ जनाको ज्यान गएको हो ।

ज्यान जानेमा बान्नीगढी ५ कालिकाका २७ बर्षका बल बहादुर साउँद र वडा नम्बर २ जनालीकोटका अन्दाजी ४५ बर्षका अमर साउँद रहेका छन ।

बुधबार राती करिव सवा ९ बजे रायपुर बजारमा मोटरसाईकलमा सवार रहेको उनीहरुलाई बसले ठक्कर दिदा दुवै जनाको मृत्यु भएको हो । मृतक दुवै जनाको भारतमै दाह सँस्कार गरिएको छ । साथै दुर्घटनामा परि वडा नम्बर ५ कालिकाका भुपाल साउँद घाईते भएका छन ।