आईसीसी विश्वकप क्रिकेट – आज अमेरिका र ओमान भिड्ने

काठमाडौं । आईसीसी विश्वकप क्रिकेट लिग दुई अन्तर्गत नेपालमा जारी त्रिदेशीय श्रृंखलामा आज अमेरिकाले ओमानसँग खेल्दैछ ।

एक दिवसीय अन्तराष्ट्रिय क्रिकेटमा अमेरिका र ओमान भिड्न लागेको यो पहिलो पटक हो । लिग दुईमा सहभागि सात देशमध्ये अमेरिका शीर्ष स्थानमा छ । उसले आठ खेलबाट १२ अंक बनाएको छ ।

ओमान दोस्रो स्थानमा छ । उसले सात खेल खेलेर १० अंक बनाएको छ । त्यसैले आजको भिडन्त शिर्ष स्थानम रहेका दुबै टोलीको लागि निकै महत्वपूर्ण रहेको छ ।

टियु क्रिकेट मैदानमा हिजो भएको खेलमा नेपाललाई १८ रनले हराएको ओमान यहाँको मैदान र पिचमा अभ्यस्त भईसकेको छ । अमेरिका भने जारी श्रृंखलामा आज पहिलो खेल खेल्दैछ ।