ज्यान बचाउनेले नै ज्यान लिने : एक महिनामै एम्बुलेन्स दुर्घटनाबाट १२ जनाको मृत्यु

गत मंसिर महिनामा देशका विभिन्न भागमा एम्बुलेन्स दुर्घटना भएको उल्लेखित विवरणअनुसार ती दुर्घटनामा १२ जनाको मृत्यु भएको छ भने ११ जना घाइते भएका छन् । एकै महिनामा एम्बुलेन्स दुर्घटनामा यतिठूलो मानवीय क्षति भएको यो इतिहासमै पहिलो पटक हो ।

एम्बुलेन्स भन्नासाथ जीवनमरणको दोसाँधमा रहेको बिरामीलाई सुरक्षित रुपमा अस्पतालसम्म पु¥याउने वाहनका रुपमा बुझिन्छ । बिरामीलाई अस्पतालसम्म नपु¥याउन्जेलसम्म प्राथमिक उपचारको सुविधा उपलब्ध गराउने र सुविधासम्पन्न अस्पतालमा पु¥याएर थप उपचार प्रक्रिया उपलब्ध गराउने भूमिका निर्वाह गर्ने वाहन नै एम्बुलेन्स हो । एम्बुलेन्स सेवा सञ्चालन निर्देशिका, २०७३ अनुसार ‘एम्बुलेन्स’ भन्नाले बिरामी ओसार्ने स्वीकृतिप्राप्त वाहन सम्झनुपर्छ । ‘एम्बुलेन्स’ शब्दले एम्बुलेन्समा जडित उपकरण, चालक र परिचारिकासमेतलाई जनाउँछ भनेर निर्देशिकाको ‘परिभाषा’ खण्डमा जनाइएको छ ।

जीवन मरणको दोसाँधमा रहेको बिरामी वा घाइतेलाई उचित उपचार प्राप्त हुने अस्पतालसम्म लैजाने दायित्व बोकेका एम्बुलेन्स आफैँ किन असुरक्षित भइरहेका छन् ? एम्बुलेन्स दुर्घटनाको एक महिना अवधिको तथ्यांकलाई हेर्ने हो भने हामीले उपरोक्त प्रश्नको जवाफ खोज्नुपर्ने बेला भइसकेको छ । एम्बुलेन्समा चढिसकेपछि बिरामी वा घाइतेमा जीवनको आश बढ्नुपर्नेमा दुर्घटनाको यस्तै तथ्यांक रहने हो भने एम्बुलेन्सप्रतिको भरोसा र जनविश्वास टुट्न सक्छ ।