बहुविवाह गर्ने नेकपाबाट निर्वाचित वडा अध्यक्षलाई २ वर्ष जेल

14
SHARES
76
VIEWS

रामेछाप । बहुविवाह गरेको अभियोगमा रामेछापको मन्थली नगरपालिका वडा नं ६ का वडा अध्यक्ष गोपालवहादुर माझीलाई २ वर्ष जेल चलान गरिएको छ । जिल्ला अदालतले उनीसंग विवाह गर्ने कान्छी श्रीमतीलाई समेत २ वर्षको कैद सुनाएको छ ।

भक्तपुर जिल्ला अदालतका न्यायाधीश इश्वरीप्रसाद सापकोटाको इजलासले बिहीबार उक्त आदेश दिएको हो । यस अघि माझी र उनकी कान्छी पूर्पक्षका लागि कारागारमा बन्दी जीवन विताईरहेका थिए । अदालतले दोषी ठहर गरेपछि उनको वडा अध्यक्ष पद समेत गएको छ । माझीले अदालतको निर्णय चित्त नबुझे पुनारावेदन गर्न पाउने हदम्याद भने पाउने भएका छन् ।

जेठी श्रीमती कृष्णमाया माझीसँग ४ वर्षदेखि अलग बस्दै आएका भलुवाजोरका वडा अध्यक्ष माझीलाई केही महिना अघि भक्तपुरबाट कान्छी श्रीमतीसगैँ पक्राउ गरिएको थियो । लामो समयदेखि अर्काकी श्रीमतीलाई आफ्नी भनेर माझीले भक्तपुरमा डेरा गरी बसेका थिए । जेठी श्रीमती र माझीसँग बस्ने महिलाका श्रीमान्ले खोजी गर्दै उनीहरु सँगै भएको बेलामा प्रहरीलाई बोलाएर पक्राउ गराएका थिए ।

माझीसँग श्रीमतीको रुपमा बसेकी महिलाका श्रीमान् बिदेशमा थिए । उनी पनि भलुवाजोरकै हुन् । जेठी कृष्णमाया माझीले वहुविवाहको अभियोगमा दुवैलाई कारवाहीको माग गर्दै जाहेरी दिएकी थिईन् । माझी नेकपाबाट निर्वाचित वडा अध्यक्ष हुन् । महिला खबरबाट

यो खबर पढेर तपाईलाई कस्तो महसुस भयो ?
तपाईको प्रतिक्रिया दिनुहोस्

Discussion about this post

ताजा समाचार