अछामकाे जंगलघाटमा भेटिएको शवकाे पहिचान खुल्यो

निराजन भण्डारी । अछाम र सुर्खेत जोड्ने कर्णाली नदिको झोलुङ्गेपुलको नजिक कर्णाली नदिको किनारमा यहि भाद्र ३ गते भेटिएको शवकाे पहिचान खुलेको छ ।

तुर्माखाँद गाउपालिका वडा नम्बर ४ जंगलघाट स्थित कर्णाली नदिको किनारमा भेटिएकाे बेवारिसे शवकाे पहिचान खुलेकाे जिल्ला प्रहरी कार्यालय अछामले जनाएको छ ।

दैलेख जिल्लाकाे डुङ्ग्रेश्वर गाउपालिका वडा नम्बर २ लाकुरीमा बस्ने बर्ष ६० का बल बहादुर गाहामगरको शव भएको उनका छोराहरुद्वारा सनाखत भएको अछाम प्रहरीले बताएको हाे ।

जिल्ला अस्पताल अछाममा आज शवकाे पोस्टमार्टम गरी मृतकका छोरा तिर्थ थापा मगरको जिम्मा लागाइएको अछाम प्रहरीले जनाएको छ ।