मालिका मन्दिर परिसर सरसफाइ तथा बाटाे मर्मत

निराजन भण्डारी अछाम ।मंगलसेन नगरपालिका वडा नम्बर ६ मा पर्ने मालिका मन्दिरकाे परिसर सरसफाइ तथा मन्दिर जाने बाटो मर्मत गरिएको छ ।

धार्मिक तथा पर्यटकीय स्थलका रुपमा परिचित मालिका मन्दिरमा मालिका चाैधसीका अवसरमा भदौ १ र २ गतेकाे दिन हुने पुजापाठ कार्यक्रमकाे पुर्बसन्ध्यामा मन्दिर परिसर तथा बाटो मर्मत गरिएको हाे ।

वडाबासी नागरिककाे सक्रियतामा शनिबार मन्दिर परिसर सरसफाइ तथा त्रिवेणीकाे खाल देखि मन्दिर सम्मकाे बाटाे मर्मत गरिएको मालिका मन्दिर व्यवस्थापन समितिका अध्यक्ष जनकराज भण्डारीले जानकारी दिनुभयो ।

पुजापाठ गर्न आउने दर्शनार्थीलाई सुरक्षित तथा सहज तरिकाले मन्दिरसम्म आवतजावत गर्न बाटो छेउछाउका झाडी सफा गर्ने काम भएको अध्यक्ष भण्डारीले बताउनुभयो ।

मालिका मन्दिरमा पुजापाठ तथा दर्शन गर्न अछाम सहित छिमेकी जिल्ला डाेटी,बाजुरा,दैलेखका दर्शनार्थी पनि आउने गरेको वडा अध्यक्ष देवेन्द्र प्रसाद भण्डारीले जानकारी दिनुभयो ।

जिल्लाकाे धार्मिक क्षेत्रकाे रूपमा प्रसिद्ध मालिका मन्दिरमा देवीको दर्शन गरी वर माग्दा आफ्नो मनोकाङक्षा पूरा हुने धार्मिक विश्वास रहेको छ ।

सरसफाइ कार्यक्रममा जनप्रतिनिधि,पत्रकार,सुरक्षाकर्मी स्थानीयबासी लगायतको सहभागीता रहेकाे थियोे ।