देशभर २४ घण्टामा थपिए यति संक्रमित, कतिले जिते कोरोना ?

काठमाडौँ । पछिल्लो २४ घण्टामा देशभर थप ६०८ जनामा कोरोना संक्रमण पुष्टि भएको छ ।

यससँगै सङ्क्रमितको सङ्ख्या दुई लाख ५७ हजार २०० पुगेको स्वास्थ्य तथा जनसङ्ख्या मन्त्रालयले जनाएको छ ।

यस्तै, पछिल्लो २४ घण्टामा थप ८९२ डिस्चार्ज भएका छन् ।

योसँगै कोरोना मुक्त हुनेको सङ्ख्या दुई लाख ४८ हजार २९२ पुगेको छ ।

पछिल्लो २४ घण्टामा कोरोना सङ्क्रमणबाट थप ९ जनाको मृत्यु भएसँगै मृतकको सङ्ख्या एक हजार ८१६ पुगेको छ ।