नेकपा पञ्चदेवल नगर कमिटी द्वारा जनता माझ कोरोना सम्बन्धि सचेतना अभियान सुरु 

चन्द्र प्रसाद भाट,अछाम, कोरोना भाईरसको सम्भाबित जोखिम बाट बच्न नेकपा पञ्चदेवल नगर कमिटिले बिषेश सचेतना अभियान सञ्चालन गरेको छ । नगर कमिटिले आज एक बिज्ञप्ती जारी गर्दै नगर कमिटिले यो सँकटको घडिमा सबै नगर बासिलाई सुरक्षित रहन आग्रह गरेको हो ।

नगर कमिटिका अध्यक्ष नितेश कुमार रिमाल द्धारा हस्ताक्षरीत बिज्ञप्तीमा सबै नागरीक लाई यसबाट त्रसित नभई सचेतना अपनाउनु पर्ने भनिएको छ । यसबाट बच्नका लागी सरकारले लागु गरेको लकडाउन लाई पुर्ण रुपमा कार्यान्वयन गर्न सुझाब दिएको छ । आम नागरीकलाई अनावश्यक रुपमा भिडभाडमा नजान र जानै परे मास्कको प्रयोग गर्न पनि सुझाब दिईएको बताईएको छ ।

नगर भित्रका नागरीक लाई सुरक्षित रहन आग्रह गर्दै नगर कमिटिका अध्यक्ष नितेश कुमार रिमालले यो बिपदको घडिमा सबैले एकजुट हुनुपर्ने बताएका छन । यो समयमा एक अर्कालाई नभेटि सुरक्षित घरमै बस्न आग्रह गरीएको छ । नगरका जनता लाई चेतना फैलाउन नगरकमिटिले तयारी गरीरहेको पनि जानकारी गराएको छ ।

हरेक पटक सरसफाई गर्न र नियमित तातो पानीको प्रयोग गर्न पनि आग्रह गरीएको छ । कोरोना बाट ग्रसित हुनु भन्दा यो रोग लाग्न नदिनु नै उत्तम उपाए भएको पनि बिग्यप्तीमा भनिएको छ।